skip to main |
skip to sidebar
"Loadshedding" ~ Hoe affekteer dit ons skool?
Beurtkrag is 'n groot probleem vir Laerskool Rooihuiskraal. Vanaf geen klokke wat lui, tot dringende afkondigings wat nie gemaak kan word nie, besef 'n mens hoe belangrik elektrisiteit is.
Ja, daar is selfs probleme met vakke soos KDA as gevolg van die beurtkrag. Die KDA-personeel sukkel om die les klaar te kry. Wie het nou gedink hulle het krag nodig? Dis dan die "fikse" mense van die skool!
Die tannies in die kantoor sukkel om hul werk gedoen te kry sonder faksmasjiene, rekenaars en afrolmasjiene wat werk.
Selfs as dit saalperiode is en die krag gaan af, kan ons nie gewyde sang hou nie.
Ja, beurtkrag is defnitief 'n groot probleem vir die Laerskool Rooihuiskraal. Om nie eens te praat van .........................................
NS. Berig kon ongelukkig nie klaar geskryf word nie, as gevolg nog 'n kragonderbreking.~ Francois Botha
Ek het een oggend die Graad eens so lekker sien speel, en hulle het so gevestig gelyk. Ek gaan vra toe 'n paar van hulle vrae om meer uit te vind:
Bianca Viljoen:
Sy is in die "Muis"-klas. Sy hou van die skool en volgens haar is die skool baie mooi. Sy hou ook van werk; dis vir haar baie lekker! Op haar ouderdom is sy al klaar besig met atletiek. Sy en twee van haar maatjies speel lekker saam.
Tatym-Leigh Basson:
Sy is in die "Feëtjie"-klas. Sy hou van die skool en dis vir haar lekker om hier te wees. Sy sê ook dat die skool mooi is. Sy weet nie of sy sport sal doen nie, en ken nog nie baie maatjies nie. Sy hou van haar juffrou.
Amberlee Smit:
Sy is ook in die "Muis"-klas. Sy hou van die skool. Dit is vir haar lekker om te werk en sy sê haar klas is mooi. Sy en haar 5 maats speel graag saam. Sy doen nog nie sport nie.
Denisha Pedro:
Sy hou ook van skool en dit is mooi en lekker vir haar. Maar o wee! Daar hardloop Denisha weg! Terwyl ek haar nog vra, maar darem is sy betyds vir haar klas.
Julle Graad Eens is darem baie oulik!
~ Bianca Erasmus
Planete, sterre en meteore ... daar is NIKS wat jy vir dié oom kan vertel nie!
Hy vertel die mees interessante stories van die heelal vir ons. Van Gr 4-7 was welkom om te gaan luister.
Dit was regtig die moeite werd ~ dankie vir 'n heerlike planetariumbesoek!
~ Raynette Dodd
Reën, reën, lieflike reën val om ons heen ...
My oupa was baie lief vir ou Afrikanerliedjies, en ek moet sê dat hierdie woorde nogal die laaste paar weke baie deur my kop gemaal het. Die Rooimiere was vasgevang op die stoepe van die skool, en die juffrouens in die klasse moes skerp wees om hierdie energie van die kinders te beheer.
Vir die Graad 1-juffrouens was dit oraait want hulle kinders kon op hul tyd aan die skool se doen en late gewoond raak. Die atletiekpersoneel moes met groot frustrasie apparaat uitpak, bane merk, spanlyste skryf ... net om alles weer vinnig terug te dra en weg te pak.
En toe uiteindelik kom die son in sy volle glorie uit en die Rooimiere skarrel op die skoolterrein rond asof dit die eerste keer hierdie jaar is wat hulle buite mag speel.
Ja, die eerste weke by die skool was maar nat, maar die entoesiasme van ons skoolgees bly borrel.
Ons gesels weer, en intussen geniet ons 'n heerlike maar deurmekaar somer.
~ Francois Botha
Laerskool Rooihuiskraal bedank graag vir Laerskool Wierdapark en Laerskool Nantes, wat op 17 Januarie by ons kom atletiek hou het.
Die dag het wonderlik afgeskop, maar ongelukkig het die donderweer en swaar reën ons ingehaal. Ten spyte hiervan, kon sommige leerlinge darem kans kry om deel te neem.
Die belangrikste van alles was egter die positiewe samesyn van hierdie klomp pragtige kinders. Laerskool Rooihuiskraal sê baie dankie aan beide Wierdapark en Nantes vir hul deelname by ons uitmuntende skool!
~ Bianca Erasmus
Die kamp van 2008 het afgeskop met 'n besoek aan Valley of the Waves by die "sonstad". Nie eens die beurtkrag kon ons geesdrif demp nie, en branders is gery en glybane gegly.Omstreeks half-vyf het ons by Sundown Ranch aangekom en is ons met 'n "ysbreker" ingelyf. Swembadspele, 'n hindernisbaan, en lesings het die naweek lekker en interessant gemaak. Die glansdinee in die leeupark was beslis die hoogtepunt van die naweek.
Ons groep het as individue na die kamp vertrek, maar beslis as 'n eenheid teruggekeer.
Mnr Neil, Juf Annalize en Mnr Stephen: DANKIE vir 'n lekker naweek!
~ Francois Botha
Dit is vir ons 'n ontsettende groot voorreg en baie opwindend om te dink dat ons uitendelik ~ na jare se swoeg en sweet agter die skoolboeke ~ die seniors in die skool is!
As 'n groep beplan DIE KLAS VAN 2008 om hierdie DIE jaar vir Laerskool Rooihuiskraal te maak, voordat ons uitmekaar spat na verskillende hoërskole toe.
Baie van ons het as baba-Rooimiertjies saam Graad 1 begin ~ en hier is ons steeds! Ons hoop dat ons 'n voorbeeld vir die res van die skool sal wees en 'n baie positiewe nalatenskap sal hê.
Ons is opgewonde oor hierdie jaar! Kom ons maak dit werklik die JAAR 2000-en-GREAT!!!
